افضل مواقع ذكاء اصطناعي لانشاء الصور بشكل مجاني !
نبذه :
في المقال ده هقولك ازاي
تقدر بسهوله تنشيء صور او تحول النص الى صور باستخدام الذكاء الاصطناعي وبشكل
مجاني كمان بدون صعوبه او تعقيدات هنصحك بأكثر من موقع لانشاء الصور وكمان لأغراض مختلفه
مش صور عادي لا ! كمان صور لانشاء قصص مصوره و صور عاليه الجوده وصور بطابع بشري
وكأنها حقيقه ؟! تابع معايا المقال للنهايه والي بقولك فيه على مواقع جميله بناء
على تجربتي ..
- الموقع الأول :
الموقع ده يعتبر من
االاشهر والأكثر انتشارا دلوقتي وهو موقع copilot التابع لشركه مايكروسوفت المعروفه ده موقع يعتبر ذكاء
اصطناعي متكامل شبيه ب شات جي بي تي ولكن يفرق عنه شويه في حكايه توليد او تحويل
النص لصور لانه بيديلك حوالي 20 الى 30 مره تنشيء فيها الصور من النص كل يوم
ويتجددو كل يوم بالشكل ده تقدر تكتب بس الوصف وتقوله ارسملي صوره هيحمل شويه ولكل مره هيديلك 4 نتايج للصور بتاعتك الي
كتبت وصفها
تقدر تدخل على الموقع من
خلال الضغط هنا
- الموقع الثاني :
الموقع الثاني متطور اكثر
وهو نفسه شات جي بي تي لانه مؤخرا بيسمح بتقريبا 5 مرات يوميا لانشاء الصور عشان
تقدر تقوله بس الوصف وهو ينشئها بسهوله وبدون تعقيد وحسب التجربه النتائج عاليه
الجوده وتستحق التجربه !
تقدر تدخل على شات جي بي
تي من هنا
" مطلوب انشاء حساب
"
- الموقع الثالث :
الموقع الثالث ومن وجهه
نظري افضلهم هو موقع جوجل الي اطلقته مؤخرا وبصراحه حسب تجربتي كان من افضل ما
جربت لانشاء الصور وفعليا بتاخد صور بجوده عاليه وتحسين للوصف بشكل دقيق ورائع
وكميه أخطاء قليله بيسمحلك بعدد غير محدود لانشاء الصور في اليوم وتحويل النص لصور
ولكن عيبه شيء وحيد هو انه لايعمل في مصر ولكن محلوله طبعا كل المطلوب منك تحميل
تطبيق vpn وتغيير
الموقع لبلد ثانيه زي مثلا أمريكا او أي بلد أخرى وتجرب تسجل عليه باستخدام حسابك
الجيميل بشكل مجاني وبدون أي مشاكل للكمبيوتر انصحك بالاضافه دي على متصفح كروم
وللاندرويد انصحك بالتطبيق ده
و ده هو لينك الموقع
وده فيديو شرحت فيه
الموقع والطريقه بالتفصيل
- الموقع الرابع والأخير :
هو موقع لانشاء القصص
المصوره ! يعني تقدر تعمل ستوري بورد كامله بمجرد بس كتابه الوصف وتعطيه للموقع ده
وتختار الستايل او الطريقه الي حابب القصص تترسم بيها زي مثلا ستايل ال80 الأمريكي
ولا الياباني زي قصص المانجا كده ولا غيرها كتير من الستايلات المختلفه الي تقد تجربها
.. الاداه مربوطه بموقع ااساسي عشان كده هتعمل حساب وتسجل دخول بيه وتربط بين
الموقع والاداه وده هتلاقيه مشروح داخل الموقع نفسه اثناء انشاء الصور
وده فيديو بتكلم فيه عن الموقع بشكل موجز .. اضغط هنا