حل مشكله الاعلانات على الهاتف

في

منع الاعلانات المزعجة نهائيا من الهاتف 

من اكتر مشاكل الوقت الحالي هي الاعلانات المزعجه سواء في تجربه التصفح او التجربه اليوميه للهاتف الخاص بك ! 

في المقال ده هقولك ازاي تقدر تخلص من الاعلانات المزعجه نهائيا من موبايلك وتجربه تصفح افضل 





اولا 👍


في اكثر من حل للموضوع عشان كده خليك صبور معايا :) 

الموضوع ممكن يتحل بتطبيق او بدون تطبيق حسب رغبتك في حل المشكله دي , اول حل هو باستخدام الـ Dns وده اشبه بسيرفر بتتوصل بيه عشان يحميك من تجربه اعلانات البوب اب او الي بتظهرلك فجاه اثناء تصفحك , كل الي عليك على حسب نوع موبايلك ممكن تختلف الاعدادات شويه ولكن المسميات قريبه جدا من بعضها .


  • هتدخل على اعدادات الهاتف > ثم الشبكات والاتصال - ثم المزيد من اعدادات الاتصال - ثم هتلاقي عندك اختيارات كتير فتحت " نصيحه متغيرش حاجه غير الشرح لعدم تعرضك لمشاكل في الاتصال بالشبكه " 

  • دلوقتي هتدخل على private dns او الـ dns الخاص ! وتختار الاختيار الاخير والي هو
    private dns hostname وهيفتحلك مكان كتابه موجود تحت وهنا هنضيف اسم الهوست بتاعنا الي هيمنع الاعلانات المزعجه والي هو dns.adgaurd.com وتضغط تم






بكده انت قدرت تضيف هوست جديد خاص بشركه او تطبيق اد جارد الخاص بحمايه الهاتف من الاعلانات السخيفه والسيئه 


ولكن خليني اشرحلك حاجه ان ممكن الهوست ده يأثر على تجربه النت بتاعتك لو بتستخدم  باقه خط الموبايل مش الواي فاي !؟


عشان كده في حل تاني لو واجهت مشكله في اتصال النت مع الحل الاول الغي الاختيار خالص وارجع لوضع اوتوماتيك عادي

ونروح للحل الثاني 


  • الحل الثاني 👍


بديل افضل وهو التطبيقات او البرامج .. زي ما تعودنا على اضافات منع الاعلانات على كروم في كمان زيها للاندرويد وهقولك اكثر من مثال واكثر من بديل 


طبعا في تطبيق زي Adgaurd من متجر جوجل

وفي تطبيق زي adaway من خارج متجر جوجل " مفتوح المصدر "


تنزيل واستخدام اي واحد منهم في منتهى السهوله وبدون لاتعب ولا عناء كل الي عليك تحمل ايآ كان منهم وتسمحله بالوصول للاذونات اللازمه وبعدها تلقائيا هيوصلك باتصال يحميك من اي اعلان جوا الموبايل او جوا المتصفح بتاعك عادي جدا .


واحب اقولك ان ممكن يكون سبب ظهور اعلانات مفاجئ على موبايلك وقبل كده مكنش بيظهر هو بعض المواقع الي بتدخل عليها ..  احيانا مواقع سيئه واحيانا مواقع افلام ومسلسلات مثلا وبالغلط بتسمح بوصول الاشعارات من كروم لواجهه موبايلك بالتالي كل سجل تصفح سواء حذفته او كان موجود بيفضل شغال والاعلانات بتستمر في الظهور 

وللاسف الشديد اوقات كتير الاعلانات دي بتكون مهينه وغير اخلاقيه ابدا ! عشان كده في حل ثالث واخير 

  • الحل الثالث 👍

اولا هتفتح المتصفح بتاعك : تضغط على الثلاث نقط الجانبيه عندك ومنها تدخل على اعدادات المتصفح 

هنا هيكون عندك قائمه خيارات ممكن اولا نروح لاعدادات الموقع الالكتروني  كبدايه  هنا كنز الاعدادات بتاعتك




هتدخل على الاشعارات وهتشوف كميه المواقع الي انت دخلت عليها ومنها اشعارات قد ايه ! هتتصدم صدقني 😂




منها اشعارات محظوره فعليا ومنها لا 


دلوقتي عندك اكتر من اختيار اما انك تقفل اصلا الخاصيه الخاصه بالاشعارات بالتالي مفيش سماح لاي موقع انه يطلب منك انه يبعتلك الاشعارات والاشعارات هنا مقصود بيها الاعلانات منهم طبعا فتقدر بسهوله تقفل اختيار الاشعارات وتريح دماغك
او انك تقدر تختار تصغير كل الطلبات وده معناه انها متتعرضش عليك اصلا .

لو عاوز رايي الشخصي اقفل الاشعارات اساسا وريح دماغك نهائيا 🧠




لو لسه الاعلانات مكمله معاك ممكن ترجع وتحذف سجل التصفح بتاعك بما فيهم الكوكيز ده في حال الاشعارات كانت بتجيلك من كروم نفسه 🎯✅


وفي نهايه المقال اتمنى تكونوا استفدتم شيء ولو بسيط ومساعده بسيطه تدعمك في استخدام الهاتف اليومي