معرفه درجه وكود اي لون تراه
.jpg)
اكيد احترت قبل كده في معرفه درجه اللون الي قدامك ؟ او حتى لو انت مصمم عاوز تعرف كود اللون الي بتشوفه في الصوره ده كام بالظبط ؟!
النهارده هكلمك عن تطبيق جميل جدا بالصفات دي بيعرفلك درجه اللون و رقمه او الكود بتاعه .
التطبيق اسمه محدد الالوان :
صفات التطبيق سهله وبسيطه بيعتمد على اكتر من حاجه وفيه اكتر من ميزه لكن اعتماده الاساسيه على الكاميرا والصور بتاعتك
وده لانه لو عندك مثلا صوره على الجهاز بتاعك وفيها لون معين عاوز تعرف درجته او الكود بتاعه كل الي عليك تضيف الصوره تحدد اللون من خلال اللمس على الصوره و فورا هيعرضلك كود او درجه اللون
* مميزات التطبيق :
- مجاني بدون مصاريف ولكن به اعلانات لذلك يفضل استخدامه مع قفل البيانات
- يقبل اضافه الصور او تصوير الصور مباشره من التطبيق
- نتائجه دقيقه وممتازه
* طريقه تشغيل التطبيق :
اولا الموضوع سهل عليك ان تحمل التطبيق من الضغط هنا
ثم تفتح التطبيق تسمحله بالوصول للملفات او الصور و تسمحله بالوصول للكاميرا من خلال الاذونات بتاعت الجهاز فقط لا غير
و احتماليه انه يعرض عليك يوصل للاشعارات مظنش انه اذن ضروري بالتالي لا تسمح بيه
بعد كده عندك مميزات كتير وتفاصيل اكتر ممكن تبدء بتشغيل التطبيق من خلال فتح الكاميرا ثم تصوير اللقطه قدامك و بعدها بصباعك تضغط على الصوره في مكان اللون الي حابب تعرف درجته او لونه هيظهرلك الكود
اما الطريقه التانيه فهي انك تضيف صوره وبصباعك تحدد مكان اللون الي حابب تعرف درجته وكمان هيعرضهولك
في كمان مميزات اضافيه في التطبيق زي مثلا انك لو عجبك لون او اكثر وحابب تحتفظ بيهم لبعدين في علامه حفظ عندك جنب كل لون بتحدده
ممكن تضغط عليها وبالتالي تحفظ عندك اي لون حابب تحتفظ بدرجته
بالاضافه ان في كمان مكان في واجهه التطبيق ليعرضلك البالت بتاعت الالوان الخاصه بيك
* الخلاصه :
ده تطبيق مهم لو بتفكر تصمم شقتك مثلا ومحتار في الالوان شفت لون قدامك عجبك فحبيت تعرف درجته او انت مصمم جرافيك مثلا فحابب تحتفظ بدرجه الوان معينه من صور وتصاميم عجباك ليه اكثر من استخدام بالتاكيد وكلها حسب استخدامك واهتماماتك
لو عاوز تطبيقات وشروحات اكثر من النوعيه دي انصحك بانك تبص على المشاركات السابقه والجايه بإذن الله .