الحل السحري لتعديل صورك وفتح عينيك المغمضة

الحل السحري لتعديل صورك وفتح عينيك المغمضة 

اتصورت قبل كده صور وحشه ؟ كنت باصص غلط يمين شمال او مغمض عينك حتى في الصور ؟ جبتلك الحل النهائي وباستخدام الذكاء الاصطناعي

في المقال ده هكلمك عن تطبيق بيحل مشاكل كل صورك الي انت مش مركز فيها في الكاميرا او شايف انها مش احلى حاجه 

تطبيق اعاده الالتقاط :

هو تطبيق منه نسختين مدفوعه او مجانيه ولكن هنتكلم النهارده عن المجانيه بيتيح ليك التطبيق ده انك بسهوله تعيد التقاط الصور الي صورتها لنفسك بس شكلك فيها مكنش احسن حاجه وده من خلال انه يعدل على ملامحك لو مبوز يخليك تضحك لو سرحان يخليك باصص للكاميرا او لو مغمض عينك تفتح وحاجات طبعا اكتر من كده بكتير الموضوع مفيش اسهل منه كل الي عليك تتابع معايا الخطوات وطريقه تنفيذ وتشغيل البرنامج وكل شيء هيكون تمام

* مميزات التطبيق :

التطبيق مجاني وبه بعض المميزات المدفوعه مظنش انك هتحتاج لشراءها 

- التطبيق متاح للاندرويد واالايفون

- يعدل على ملامحك

-  يفتح العين اذا كانت مغمضه

* طريقه تحميل :

كل ما عليك ان تضغط هنا للتحميل

ثم انتقل الى جوجل بلاي واضغط تثبيت 

انتظر لانتهاء العد وتحميل التطبيق وفتحه على هاتفك 

وبدء بالتشغيل واستخدام التطبيق

اذا موبايلك ايفون تقدر تحمله من الضغط هنا

* طريقه الاستخدام :

دلوقتي الموضوع ابسط ما يكون اولا التطبيق هيطلب منك شويه اذونات زي الوصول للكاميرا ثم الوصول لمعرض الصور او ملفات الهاتف

بعد ما تسمح بالوصول للاذونات المذكوره سابقا دي بعدها هيبدء يشرحلك طريقه استخدام البرنامج او التطبيق

ومع ذلك هشرحلك طريقه الاستخدام اولا هيطلب منك تتصور من 10  الى 15 صوره تبص فيهم للكاميرا و صور تكون فيها على جنب وشك اليمين مثلا وبعدها اليسار وصور تبتسم فيها وصور اخرى مختلفه والصور دي عشان يقدر من خلالها يكون نبذه عن تفاصيل وشك بالتالي يعدل على اي صوره بعد كده مش عجباك بعد رفع الصور المطلوبه بتستمر بعدها وتضغط تم

دلوقتي كل حاجه تمام لو عندك اي صوره مش عجباك كل الي عليك تضغط اضافه وبعدين صورتك هتتضاف وتختار كلمه تعديل

بعدها هيحمل شويه ويعرضلك نماذج مختلفه من ١٠ ل ١٥ صوره مختلفه متعدل عليها جاهز غير بينهم واختار اكثر صوره عجبتك فيهم وشايف انها مناسبه بعد التعديل وطلعت النتيجه زي ماتحب انت 

* الخلاصه :

التطبيق مميز وبيستخدم الذكاء الاصطناعي انه يعدل ويظبط صورك حسب ما تحب هي ميزه موجوده في هواتف بيكسل بالمناسبه الفلاجشيب الغاليه ولكن بالتطبيق ده تقدر تعدل على   الصور بسهوله ومجانا ومتاح سواء للاندرويد او الايفون منه زي ماذكرت قبل كده نسخ مدفوعه وبيعرض عليك فعلا الشراء للنسخه المدفوعه وليك حريه قبول او رفض ده وممكن عادي تكمل بالنسبه المجانيه

ده كان تطبيق اليوم ولسه في تطبيقات اكتر من بكتير من النوعيه دي وغيرها من نوعيات ممتازه وفعاله ومفيده على مستوى استخدامك اليومي بشكل او باخر

بص على المشاركات السابقه وانتظر المشاركات الجايه