تطبيق مثالي لحذف الصور بسرعة: ودّع الحذف الممل بضغطة واحدة

تطبيق مثالي لحذف الصور بسرعة: ودّع الحذف الممل بضغطة واحدة

 مساحه الموبايل من اهم اسباب تقل وبطئ اداء الموبايل ومن اكتر الحاجات الي بتملا مساحه الموبايل هي الصور

في المقال ده هقولك اسرع واسهل طريقه لحذف الصور الي في موبايلك بدون جهد تقريبا

* تطبيق حذف الصور :

التطبيق ده من افضل و اجمل التطبيقات المستخدمه مؤخرا و ده لانه بيغنيك عن فكره حذف وتحديد الصور بشكل ممل والطريقه الاعتياديه الممله هي انك تدخل معرض الصور وتحدد صوره صوره وبعدين تختار حذف بعدها تحذفها من سله المهملات و هكذا وده شيء ممل عشان كده لازم تحرص انك تسهل الامور على نفسك وده هو اهم شيء لانك بمجرد السحب يمين او يسار بتحذف الصور هشرحلك التطبيق وطريقه تشغيله بالتاكيد ولكن دلوقتي هقولك طريقه التحميل والتثبيت على موبايلك للتسهيل عليك 

* طريقه التحميل و التثبيت :

- اولا حمل التطبيق من خلال الضغط هنا للاندرويد و هنا للايفون 👋👀

- ثانيا ابدء بالضغط على التثبيت وانتظر تثبيت التطبيق

- ثالثا بعد انتهاء التثبيت ابدء بالتشغيل

- رابعا اعطي اذونات الوصول للتطبيق هيطلب منك الوصول للصور والملفات وده اهم شيء لانه لازم يوصل للملفات والصور عشان تحذف منهم الي انت عاوزه

*طريقه التشغيل :

دلوقتي جه وقت الجد  واكتشاف مدى سهوله استخدام التطبيق ده .. بعد ما تفتح التطبيق هتلاقي شرح توضيحي اصلا يبينلك ازاي تحذف الصور الي ملهاش لزمه 

هتدخل على بدء الحذف وهنا هيبدء يعرضلك الصور سواء من البوم البوم او من الملفات والصور ككل بسهوله هتختار الالبوم او زي ما يناسبك بعدين هتبدء بالحذف 

على سبيل المثال اذا سحبت الصوره جانب اليمين كده حذفتها اذا سحبتها ناحيه اليسار بكده انت حابب تحتفظ بيها وهكذا تفضل تتعرض الصور عليك وحده ورا التانيه الى ان تنتهي وتخلص

وبعد ما تخلص هتشوف قد ايه كان عندك كميه صور ملهاش لزمه ماليه المساحه على الفاضي

* الخلاصه :

التطبيق بيساعدك انه يوفر عليك المساحه و الصور الي ملهاش لزمه والي غالبا بتكون ناسيها بتساعدك تحذفها وتتخلص منها نهائيا و من خلال ده بتزود وتحسن اداء جهازك او موبايلك والي بشكل او باخر بيتاثر بملئ مساحه الموبايل

عشان كده مهم تاخد بالك وتجرب التطبيق اذا كنت من الناس الي بتسيب عندها مئات الصور بلا هدف

لسه في تطبيقات ومشاركات تانيه اكتر بكتير مفيده على كل شكل ممكن  تتخيله لاني حابه اوفرلك واقدملك كل الادوات والتطبيقات الي بتوفر عليك وقتك وتسهل عليك استخدامك لجهازك